​MEA i bën thirrje Bordit të Postës të anulojë ndryshimin e koeficienteve të pagave

Aktuale

​MEA i bën thirrje Bordit të Postës të anulojë ndryshimin e koeficienteve të pagave

Më: 10 dhjetor 2020 Në ora: 17:03
Foto ilustrim

Ministria e Ekonomisë dhe Ambientit, nëpërmes Njësisë për Politika dhe Monitorim të Ndërmarrjeve Publike, i ka dërguar shkresë Bordin e Përkohshëm të Postës së Kosovës, duke i bërë thirrje që të anulojë vendimin për ndryshimin e koeficienteve të pagave.

Ky veprim nga Ministria e Ekonomisë dhe Ambientit është ndërmarrë sapo ka ardhur procesverbali nga mbledhja e Bordit të Përkohshëm të Postës së Kosovës, të mbajtur më 03.12.2020.

Ndryshimi i koeficienteve të pagave në këtë kohë, kur Posta e Kosovës nuk qëndron në gjendje të mirë financiare, është i papranueshëm dhe nuk do të lejohet.

Për më tepër, Njësia për Politika dhe Monitorim të Ndërmarrjeve Publike ka sugjeruar më parë këtë ndërmarrje që të zvogëlojë pagat për 30% për pozitat e larta udhëheqëse, thuhet në një komunikatë për media të MEA.

Shfaq komentet
comments powered by Disqus
Sot mund të lexoni Shfletoni kopertinat