Po vazhdon situata alarmante në Kosovë sa i përket pandemisë ku vetëm sipas raportit të fundit të IKSHPK-së, janë raportuar edhe 345 raste pozitive.
Kështu numri total i rasteve aktive në tërë Kosovën ka arritur në 11.208.
Po ashtu kanë vdekur edhe 8 persona, ndërsa numri i viktimave ka arritur në 1.248.
Nga numri total i të infektuarve, 36.226 pacientë kanë arritur të fitojnë betejën me COVID-19.
Numri i rasteve së fundi është duke rënë mirëpo institucionet e Kosovës vazhdojnë të bëjnë apele që të respektohen masat antiCOVID.
