Driton Selmanaj, kandidat për deputet, njëherit zv.kryeministër në detyrë ka kritikuar ish-qeverinë Kurti.
Ai ka thënë se gjatë qeverisjes 50 ditëshe të Kurtit, është diskutuar tërheqja e trupave të SHBA nga Kosova.
Selmanaj ka kritikuar sloganin e VV-së “Krejt dhe drejt”, derisa ka thënë se është simbol i Hitlerit.
“Ka ardhë koha në Kovë që ne duhet të flasim hapur. Në Kosovë me Lëvizjen Vetëvendosje, kemi menduar në emancipimin e tyre…Aktivistë Vetëm shikoni historinë, formën e manifestimeve, si për ditën e çlirimit, qoftë për ditë të caktuara në Bashkimin Sovjetik në Korenë e Veriut, në Venezuelë, në Shqipërinë e Enver Hoxhës, në Jugosllavi e Josip Broz Titos, shikoni këto, keni me i pa këto pamje të shiritave. Kjo më asocon me një relikt të së kalumes që dikush po provon ta kthejë, po vjen një rrezik i madh për Kosovën, një qasje autokratike, një qasje diktatoriale, një sistem i papranueshëm. Shifni sloganin “Krejt dhe Drejt”, njana nga sloganet e Gjermanisë së Luftës së Dytë Botërore, Hitleri thoshte para masës, merrni shikoni. Është punë e mediave. Këto pamje janë të papranueshme", ka thënë ai.
