Deputeti i Vetëvendosjes, Salih Zyba ka folur rreth akuzave nga kreu i AAK-së, Ramush Haradinaj, se ka qenë `sekser` i votave për zgjedhjen e Vjosa Osmanit presidente.
Ai ka pranuar se ka kontaktuar dhe janë takuar me deputetën e AAK-së, Albana Bytyçi në Suharekë, me ç’rast kanë diskutuar edhe për çështjen e presidentit.
Zyba në emisionin “Imazh” ka thënë se ka kërkuar të kuptojë nesë ka votë nga Bytyçi e AAK-së, për Vjosa Osmanin presidente.
“Jam takuar me të dhe vëllain e saj, jemi takuar në një nga kafenetë e Therandës, folëm edhe për çështjen e presidentit, ka pasur një vullnet, por ajo ka përfillur qëndrimin e partisë, derisa Haradinaj ka bërë disa deklarata jo të duhura”, tha Zyba.
