Gjendje kaotike në Odën Ekonomike – kërkohet dorëheqja e Berat Rukiqit

Aktuale

Gjendje kaotike në Odën Ekonomike – kërkohet dorëheqja e Berat Rukiqit

Më: 2 korrik 2021 Në ora: 22:36
Berat Rukiqi

Gjendja në Odën Ekonomike nuk duket të jetë aspak e qetë.

Në mbledhjen e mbajtur të mërkurën, disa anëtar të OEK-ut kërkuan dorëheqjen e kryetarit, Berat Rukiqit.

Shkarkimin e Rukiqit e ka kërkuar edhe kryetari i Shoqatës së Naftarve, Fadil Berjani sa më parë për të mirën e bizneseve.

Berjani në mbledhjen ka kërkuar që ligji i OEK-ut të ndryshohet dhe kjo kërkesë e tij u aprovua nga Kuvendi i OEK-ut, ku është formuar një komision punues nga tre anëtar.

Lajmin për Indeksonline e ka konfirmuar anëtari i komisionit të OEK-ut, Avdi Avdiu i cili tha se Rukiqi nuk i ka përmbushur detyrat e tij si kryetar dhe që 3 vjet nuk ka mbajtur asnjë kuvend.

“Disa anëtarë aty kërkuan dorëheqjen e tij për mos punën e tij të deritashme, si rezultat i mos mbajtjes të asnjë kuvendi që tri vite, ata kërkuan dorëheqjen e tij, duke mos i përmbushur detyrat e kryetarit të Odës Ekonomike, mos komunikimi me biznese e kështu probleme të ndryshme që u paraqiten aty”, u shpreh ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat