Humanizmi me aksidentin, Blerim Latifi: Kroacia ka një mesazh të fortë politik, ja çka po kërkon nga Kosova

Aktuale

Humanizmi me aksidentin, Blerim Latifi: Kroacia ka një mesazh të fortë politik, ja çka po kërkon nga Kosova

Nga: A.Zh Më: 1 gusht 2021 Në ora: 08:54
Blerim Latifi

Profesori universitar i Filozofisë Blerim Latifi, ka thënë se humanizmi i shtetit të Kroacisë, i treguar me rastin e aksidentit të mërgimtarëve të Kosovës, përmban një mesazh të fortë politik.

Ai ka thënë se Kroacia po dëshiron lidhje më të fuqishme me Kosovën, për t’i frenuar ambiciet e Serbisë për “botën serbe”.

Por, Latifi është shprehur skeptik se Kosova do t’i përgjigjet mençur këtij mesazhi kroat, përcjell Bota sot.

Reagimi i Latifit në Facebook:

Ai që u quajt "humanizmi kroat" në rastin e aksidentit ku humbën jetën dhjetë qytetarë të Kosovës dhe angazhimi personal i kryeministrit kroat në këtë rast, në thelbin e tyre përmbajnë një mesazh të fortë politik: Kroacia po kërkon lidhje më të fuqishme me Kosovën, lidhje që shkojnë përtej marrëdhënieve formale ndërshtetërore dhe që për bazë e kanë përvojën e hidhur historike të vendeve ne Serbinë dhe krijimin e aleancave joformale rajonale për t'i frenuar ambiciet e ringjallura të Serbisë për të qenë shteti më i rëndësishëm i rajonit, ambicie të kamufluara në idenë e re të Beogradit për krijimin e "botës serbe".

A e kemi ne mençurinë e duhur t'i përgjigjemi këtij mesazhi kroat? Vështirë të thuhet, kur e shohim mjerimin e përgjithshëm në të cilin ndodhet mendimi ynë gjeostrategjik.

commentFirst article
Sot mund të lexoni Shfletoni kopertinat