Vitia viziton Qendrën e Vaksinimit në Obiliq: Ka doza të mjaftueshme të vaksinës

Aktuale

Vitia viziton Qendrën e Vaksinimit në Obiliq: Ka doza të mjaftueshme të vaksinës

Më: 10 shtator 2021 Në ora: 16:06
Ministri i Shëndetësisë, Arben Vitia ka vizituar Qendrën e Vaksinimit në Obiliq

Në shënimin e administrimit të 1 Milion vaksinave kundër Covid-19, Ministri i Shëndetësisë, Dr. Arben Vitia ka vizituar Qendrën e Vaksinimit në Obiliq.

Ministri Vitia falënderoi ekipet e vaksinimit për angazhimin e qëndrueshëm dhe punën e palodhshme në administrimin e kapaciteteve të planifikuara për vaksinim. Aktualisht vaksinimi po vazhdon me intensitet të lartë që vërtet na inkurajon.

Numri i qytetarëve që po vaksinohen në baza ditore konfirmon organizimin dhe punën e mirë të profesionistëve shëndetësor nëpër qendrat e vaksinimit.

Ministri konfirmoi se në stoqet e Ministrisë së Shëndetësisë ka doza të mjaftueshme të vaksinës kundër COVID-19 dhe se të gjitha janë të sigurta dhe efektive.

Për fund, Ministri shtoi se vaksinimi nënkupton më të mirën për ne, për të dashurit tanë dhe për vendin!

comment Për komente lëvizni më poshtë
Sot mund të lexoni Shfletoni kopertinat