Kuçi i reagon Rizvanollit: Nuk është zgjidhje qëndrimi në të ftohtë për krizën energjetike

Aktuale

Kuçi i reagon Rizvanollit: Nuk është zgjidhje qëndrimi në të ftohtë për krizën energjetike

Më: 20 tetor 2021 Në ora: 20:59
Natyra Kuçi

Ministrja e Ekonomisë, Artane Rizvanolli, tha sot gjatë ditës se qytetarët duhet të evitojnë ngrohjen përmes energjisë elektrike.

Në lidhje me këtë ka reaguar zëdhënësja e PSD-së, Natyra Kuçi, duke thënë se ministrja Rizvanolli ka vazhduar me mentalitetin e Qeverisë Kurti, për të zhvendosur fajësinë në vend të zgjidhjes së problemit.

Postimi i plotë:

Ministrja Rizvanolli  është ripërtrirëse e përpiktë e mesazhit tashmë të etabluar të pushtetit të Kurtit, që thotë se aty ku pushteti ka ndikim e faj në fakt ka qytetari përgjegjësi e është fajtor.

Edhe pa rritje të tarifave, nxemja me rrymë është alternativa më e shtrenjtë. Por edhe nëse përballemi me krizë të energjisë elektrike, cila është alternativa e ngrohjes në dimër? Drunjtë? Qymyri? Panelet solare e mullinjtë e erës? Ministrja nuk deklarohet. Sepse ministrja, siç e bënë dhe Kurti, nuk kanë zgjidhje por zhvendosje të fajësisë. Mbeti në qafë tjetrit e hiqe përgjegjësinë nga vetja.

Përballë një krizeje globale të energjisë elektrike, sidomos gjatë periudhës kur konsumi rritet detyrimisht, nuk mund të jetë zgjidhja qëndrimi në të ftohtë për hir të zbutjes së krizës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat