Washington Post shkruan për aktakuzën ndaj shqiptarit nga Kosova që luftoi në Siri

Aktuale

Washington Post shkruan për aktakuzën ndaj shqiptarit nga Kosova që luftoi në Siri

Më: 4 dhjetor 2021 Në ora: 08:53
Ilustrim

Gazeta prestigjioze amerikane, Washington Post ka shkruar për aktakuzën ndaj kosovarit që luftoi në Siri.

Prokuroria Speciale ka ngritur aktakuzë në Gjykatën Themelore në Prishtinë kundër të pandehurit N.L për veprën penale “Organizimi dhe pjesëmarrja në grup terrorist në vazhdim”.

“Në deklaratë thuhet se burri u kthye në Kosovë në prill 2013 për t’i sjellë gruan, dy vajzat dhe nusen e djalit në Siri. Ai dyshohet se iu bashkua djalit të tij dhe grupit al-Nusra dhe përfundimisht iu dorëzua forcave siriane dhe u riatdhesua në Kosovë, sipas deklaratës, e cila nuk jep vendndodhjen e të afërmve të tij”.

“Nëse shpallet fajtor, burri përballet me 10 vjet burg. Autoritetet thonë se më pak se 90 qytetarë të Kosovës kanë mbetur në Siri. Kosova ka riatdhesuar 110 qytetarë të saj, kryesisht gra dhe fëmijë, nga Siria dy vjet më parë”, thuhet në shkrimin e Washington Post.

Tutje, në këtë shkrim thuhet se më shumë se 400 persona nga Kosova mendohet se u janë bashkuar grupeve ekstremiste në Siri dhe Irak.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat