Konfirmohet funksioni udhëheqës i Arben Vitisë në Vetëvendosje

Aktuale

Konfirmohet funksioni udhëheqës i Arben Vitisë në Vetëvendosje

Më: 15 janar 2022 Në ora: 13:41
Arben Vitia

Arben Vitia do të vazhdojë të udhëheqë me Qendrën e Lëvizjes Vetëvendosje në Prishtinë.

Ndonëse ka dhënë dorëheqje nga pozita publike e asamblistit komunal, ish-ministri i Shëndetësisë do të vazhdojë aktivitetin politik brenda Lëvizjes Vetëvendosje.

Ish-ministri i Shëndetësisë është ngarkuar me punë për koordinimin e aktiviteteve të Qendrës së LVV-së deri në organizimin e zgjedhjeve të brendshme të strukturave udhëheqëse të subjektit.

Ai, sipas një vendimi të Këshillit të Përgjithshëm të Lëvizjes Vetëvendosje, do të ushtrojë pozitën e koordinatorit të qendrës së LVV-së në kryeqytet.

Vetëvendosje njoftoi sot për emërimin e 33 koordinatorëve të rinj nga 43 qendrat e Lëvizjes Vetëvendosje nëpër komuna.

Arben Vitia, i cili kandidoi për kryetar të Komunës së Prishtinës në zgjedhjet e fundit lokale, refuzoi të hyjë në koalicion paszgjedhor me Lidhjen Demokratike të Kosovës.

Kundër-kandidati i tij, fituesi i zgjedhjeve, Përparim Rama, e ftoi Vitinë të bëhej ftesë e kabinetit të tij qeverisës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat