Shala i PDK-së: Nën qeverisjen Kurti, qytetarët po shpenzojnë më shumë e po ushqehen më pak

Aktuale

Shala i PDK-së: Nën qeverisjen Kurti, qytetarët po shpenzojnë më shumë e po ushqehen më pak

Më: 20 janar 2022 Në ora: 13:44
Ferat Shala

Partia Demokratike Kosovës (PDK) ka adresuar një sërë kritikash ndaj Qeverisë Kurti për ngritjen e çmimeve të produkteve bazike në vend.

Në debatin parlamentar të së enjtes në Kuvend, deputeti opozitar Ferat Shala tha se nën qeverisjen Kurti, qytetarët po shpenzojnë më shumë, por po ushqehen më pak.

Shala: Nën qeverisjen Kurti, qytetarët po shpenzojnë më shumë, ushqehen më pak

“Sot nën qeverisjen Kurti, qytetarët e këtij vendi shpenzojnë më shumë dhe ushqehen më pak. Shpenzojnë më shumë dhe udhëtojnë më pak. Shpenzojnë më shumë dhe marrin shërbim të njëjtë. Punojnë më shumë, por të ardhurat i kanë të njëjtat, shpenzojnë shumë dhe jetojnë shumë më keq. Kjo është si rezultat i ngritjes së çmimeve dhe ngritjes së çmimeve dhe kaosit në këtë periudhë”, tha ai.

Ai ngriti si shqetësim edhe mundësisë e ngritjes së çmimit të bukës në 1 euro, pas shtrenjtimit të energjisë elektrike.

Shala: Ngritja e çmimit të energjisë do të reflektojë në ngritjen e çmimit të bukës në 1 euro

“Ngritja e çmimeve në sektorin e energjisë do të reflektojë pashmangshëm në tërë zinxhirin të prodhimeve dhe konsumit ditor. Merrni me mend, nëse sot kemi 50 cent bukë dhe këto ngritje të çmimeve që po e kalojnë 100 përqindëshin dhe disa raste 200 për qind. Çmimit i bukës do të arrijë shifrën deri në 1 euro”, tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat