Brezovica i ishte kthyer shtetit në kohën sa Avdullah Hoti ishte kryeministër

Aktuale

Brezovica i ishte kthyer shtetit në kohën sa Avdullah Hoti ishte kryeministër

Më: 20 janar 2022 Në ora: 21:12
Brezovica

Ditëve të fundit pati reagime të shumta, e sidomos nga deputetët e LVV-së, të cilët mburreshin se si për herë të parë pas 22 vitesh Brezovica iu kthye institucioneve të Kosovës.

Ani pse ky është një vendim që u mor nga Agjencia Kosovare e Privatizimit në dhjetor të vitit 2020, deputetët e kësaj partie nisën të mburreshin me këtë vendim vetëm pasi u raportua nga mediat në muajin janar.

Me 22 dhjetor të vitit 2020, AKP-ja kishte marrë vendim për vendosjen e “NSH Inex Sharr Pllanina Brezovica” nën administrimin direkt të AKP-së.

Ishte deputetja, Fjolla Ujkani e para ajo e cila e përdori këtë për tu mburrur duke thënë se pas 22 vitesh për herë të parë Brezovica, nuk do të menaxhohet nga strukturat paralele serbe, por nga shteti i Kosovës, duke bërë këtu me hashtag #qeveriaKurti.

Derisa me 17 janar, ky institucion njoftoi se është emëruar bordi i ri dhe se ka filluar punën ‘Ndërmarrja Shoqërore Brezovica’, për një vendim i cili ishte marrë në vitin që lamë pas.

“Fillon punën Ndërmarrja Shoqërore Brezovica Prishtinë – Më 13 janar 2022 Bordi i Drejtorëve i AKP-së emëroi Bordin e ri të Përkohshëm Menaxhues për NSH Inex Sharr Planina Brezovicë, Shtërpce, në përbërje të gjashtë (6) anëtarëve. Kjo ndërmarrje me vendim të Bordit të Drejtorëve të AKP-së ishte vendosur më parë nën Administrim Direkt të AKP-së më 22 dhjetor 2020”, thuhet në njoftimin e AKP-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat