Pakënaqësitë me ndarjen e ‘tortës’ së pushtetit të PDK-së në Prizren, vazhdojnë dorëheqjet e njëpasnjëshme nëpër degë

Aktuale

Pakënaqësitë me ndarjen e ‘tortës’ së pushtetit të PDK-së në Prizren, vazhdojnë dorëheqjet e njëpasnjëshme nëpër degë

Më: 21 janar 2022 Në ora: 15:50
PDK

Dega e PDK-së në Prizren gjatë javës së kaluar ishte tronditur me dorëheqjen e asamblistit të saj Kastriot Krasniqi, i cili po ashtu ishte dorëhequr edhe nga të gjitha strukturat e PDK-së.

Por kjo nuk do të mbes me kaq. Gazeta përmes burimeve mëson se nga kjo parti tanimë ka dhënë dorëheqje edhe Xhafer Ahmetaj, kryetar i nëndgës në PDK-së në Korishë.

Këto burime po ashtu thonë se së shpejti pritet të japin dorëheqje edhe tre  kryetar të nëndegëve të PDK-së në Prizren dhe dy asamblisë të saj.

Në seancën e 27 janarit, ku pritet të mbahet mbledhja e Kuvendit Komunal të Prizrenit, PDK do të marr goditje nga 5 anëtarët ë partisë së saj të cilët do të japin dorëheqje zyrtare.

Kështu PDK, partia që e udhëheqë Prizrenin, do të mbetet vetëm me nëntë asamblistë.

Gazeta për këto dorëheqje ka pyetur zëdhënësen e Komunës së Prizrenit Jona Hoxhaj, e cila ka deklaruar se deri më tani nuk ka asgjë zyrtare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat