Tahiri i AAK-së: Prokuroria ta hetojë ZRrE-në, vendimi i saj është racist

Aktuale

Tahiri i AAK-së: Prokuroria ta hetojë ZRrE-në, vendimi i saj është racist

Më: 25 janar 2022 Në ora: 20:19
Besnik Tahiri

Shefi i Grupit Parlamentar të AAK-së, Besnik Tahiri ka reaguar pas vendimit të ZRRE-së për mos ngritjen e çmimit të rrymës për komunat veriore. 

Përmes një shkrimi në Facebook, Tahiri ka thënë se ky është një vendim racist, derisa ka kërkuar hetim nga Prokuroria.

“Tentimi i Qeverisë përmes kryesuesit të Bordit të ZRrE-së për të arsyetuar diskriminimin etnik që ZRrE-ja është duke ua bërë shqiptarëve të Kosovës me rastin ngritjes së çmimit të rrymës, duke përjashtuar kështu komunat veriore nga kjo ngritje e çmimeve, është një veprim i ulët, diskriminues dhe me elemente raciste. 

Si i tillë duhet të kundërshtohet fuqishëm nga të gjithë spektri politik, shoqëria civile dhe qytetarët e vendit. Gjithashtu, ftoj prokurorin e shtetit që pa humbur kohë të fillojnë hetimet ndaj ZRrE-së nën dyshimim e shpërdorimit të detyrës zyrtare”, thuhet në shkrimin e tij.

Kujtojmë se Zyra e Rregullatorit të Energjisë nuk i ka përfshirë fare katër komunat veriore të Republikës së Kosovës në raportin e vetë në të cilën u shqyrtuar dhe propozua rritja e çmimit të energjisë elektrike.

Këtë sot e ka konfirmuar Kryesuesi i Bordit të Zyrës së Rregullatorit të Energjisë (ZRRE), Ymer Fejzullahu, teksa ka raportuar në Komisionin e Kuvendit të Kosovës për Ekonomi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat