Ministri Latfi: Do i rishikojmë masat antiCOVID

Aktuale

Ministri Latfi: Do i rishikojmë masat antiCOVID

Më: 26 janar 2022 Në ora: 13:35
Foto nga mbledhja e komisionit për Shëndetësi

Ministri i Shëndetësisë, Rifat Latifi gjatë raportimit në Komisionin për Shëndetësi dhe Mirëqenie Sociale tha se do të ketë rishikim të masave antiCOVID-19.

Megjithatë ai ka theksuar se masat antiCOVID janë konform masave të rajonit.

“Janë masa konform të gjitha masave të rajonit. Natyrisht që kemi me i rishikuar masat kjo është fluide ne e vlerësojmë Gjendjen disa here në dite absolutisht do i rishikojmë këto masa. Nuk jam i interesuar që bizneset të mbahen mbyllur përveç asaj që ekspertët tanë e kanë të nevojshme”, tha ai.

Latifi është ftuar që këtë të mërkurë të raportojë para deputetëve të këtij komisioni rreth menaxhimit të situatës epidemiologjike me COVID-19.

Ministri i Shëndetësisë, Rifat Latifi, gjatë raportimit para komisionit për Shëndetësi lidhur me menaxhimin e situatës epidemiologjike me COVID-19 tha se ne javët e fundit vendi ka përjetuar një ngritje të vazhdueshme të numrit të të infektuarve me dominim të varianti Omicron. Sipas tij krahas numrit të infektuarve, numri i spitalizuarve mbetet i ulët.

Ai tha se masat që janë marr nga qeveria është rezultat i balancit të këtyre faktorëve situatës epidemiologjike në vend dhe rajon.

“Në javët e fundit ne kemi përjetuar një ngitje të vazhdueshme të numri të infektuarve me COVID-19, numri më i madh i të cilëve është shkaktuar nga varianti Omicron. Kjo nuk është diçka e re dhe e papritur vetëm në vendin tonë, por në gjithë botën. Përkundër shtrimit të numrit të infektuarve fatbardhësisht numri i atyre që kërkojnë trajtim në spitale ende është i ulët dhe i menaxhueshëm.

Ne jemi në vlerësim për çdo orë e definitivisht disa herë në ditë për situatën e përgjithshme, kapacitet humane dhe infrastrukturës spitalore që të ballafaqohet me një fluks të mundshëm prej atyre që kërkojnë ndihmë dhe shtrirje në spital. Në veçanti dua të theksoj punë e stafit profesional që deri më tani kanë dëshmuar një rezilencë të shkëlqyeshëm dhe një përkushtim të pashembullt në menaxhimin e pandemisë këto dy vitet e fundit. Masat të cilat i ka marrë MSH dhe qeveria janë rezultat i balancimit të këtyre faktorëve, situatës epidemiologjike në vend dhe rajon[...]ne jemi në mes të listës një dallim i theksuar është edhe me numrin e testeve që po bëjnë ku në Rajon Kosova rendit e dyta pas Sllovenisë, me numrin më të lartë të testeve dhe detektimit të rasteve. Kosova ka më paku raste krahasuar me vendet e rajonit[...]dua të theksoj se gjitha vendimet që merren me çfarëdo masa janë rezultat i diskutimeve të gjata dhe të shpeshta me profesionistët shëndetësorë”, tha ministri Latifi. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat