Lajçak ka një porosi për Kosovën dhe Serbinë

Aktuale

Lajçak ka një porosi për Kosovën dhe Serbinë

Më: 28 janar 2022 Në ora: 20:59
Miroslav Lajkçak

Emisari Special i Bashkimit Evropian për dialogun Kosovë-Serbi, Miroslav Lajkçak, përmes një shkrimi në llogarinë e tij në twitter, ka njoftuar se delegacionet kanë diskutuar për çështjen e targave. Pos saj, Lajçak gjithashtu pati edhe një porosi për Kosovën dhe Serbinë.

Lajçak ka njoftuar se delegacionet e Kosovës dhe Serbisë, po diskutojnë në Bruksel rreth çështjes së targave. Sipas tij, diskutimet sollën qartësi që potencialisht mund të sjellin rezultate. 

Tutje, emisari i BE-së ua çoi një mesazh Kosovës dhe Serbisë që të punojnë në mënyrë që të arrihet rezultati final.

“Delegacionet e Kosovës dhe Serbisë kanë ardhur sot në Bruksel për takimin e katërt rreth çështjes së targave. Diskutimet sollën më shumë qartësi në lidhje me opsionet dhe rezultatet e mundshme. I inkurajoj palët të vazhdojnë të punojnë për opsionet në funksion të afrimit të afatit”, ka shkruar Lajçak në twitter. 

Zhvillimet e fundit në dialog kanë treguar se Kosova është pala problematike në dialog në sy të BE-së, ose të paktën kështu tha Përfaqësuesi i Bashkimit Evropian, Josep Borrell.

“… do të vazhdojmë të bisedojmë me dy palët, në veçanti me Kosovën, sepse në këto momente po tregon më shumë mos dëshirë për tu kthyer në dialog”, tha Borrell para tri ditëve. 

E po atë ditë, Lajçak u takua me zëvendëskryeministrin e Kosovës, Besnik Bislimin, me të cilin tha se pati një takim konstruktiv.   

“I kënaqur për një takim konkret dhe konstruktiv për rrugën përpara në Dialogun për normalizimin e marrëdhënieve me zëvendëskryeministrin e parë të Kosovës Besnik Bislimi sot në Vjenë. Mezi presim të vazhdojmë diskutimet tona javën e ardhshme në Kosovë”, shkroi Lajçak në një cicërimë në twitter.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat