Ministria e Punëve të Jashtme ka treguar se çka është biseduar në takimin që kryeministri Albin Kurti dhe kryediplomatja Donika Gërvalla e patën me homologun grek të kësaj të fundit.
“Bashkë me kryeministrin Albin Kurti kishim një takim të shkëlqyeshëm me ministrin e Punëve të Jashme të Greqisë, Nikos Dendias, në margjinat e Forumit Ekonomik të Delfit. Biseduam për bashkëpunimin ekonomik dhe nevojën për një bashkëpunim të zgjeruar në mes Kosovës dhe Greqisë në shumë fusha”, thuhet në cicërimën e ministrisë që drejtohet nga Donika Gërvalla.
Për këtë takim në Greqi njoftoi më herët edhe ministria e Punëve të Jashtme të këtij shteti e cila po ashtu tha se bashkëpunimi ekonomik ka qenë tema kryesore e këtij takimi.
Together w/PM @albinkurti, we had an excellent meeting w/FM @NikosDendias on the sidelines of @delphi_forum. Talked about economic cooperation & the need for enhanced cooperation between 🇽🇰 & 🇬🇷 in many fields. pic.twitter.com/wBN43RkUqW
— MFA Kosova 🇽🇰 (@MFAKOSOVO) April 9, 2022
Kryeministri Albin Kurti dje deklaroi se ka ardhur koha që Greqia ta njohë Pavarësinë e Kosovës. Madje, ai beson se shteti helen mund ta ndihmojë Kosovën edhe për njohje të shteteve të tjera mosnjohëse dhe anëtarësim në BE dhe NATO.
