​PDK e LDK nuk votojnë marrëveshjen ndërkombëtare për reformën e sistemit të ndihmës sociale

Aktuale

​PDK e LDK nuk votojnë marrëveshjen ndërkombëtare për reformën e sistemit të ndihmës sociale

Më: 11 maj 2022 Në ora: 13:35
Kuvendi i Kosovës

Ka dështuar sërish të miratohet në Kuvend marrëveshja ndërkombëtare mes Qeverisë së Kosovës dhe Asociacionit Ndërkombëtar për Zhvillim për projektin e reformës së sistemit të ndihmës sociale në Kosovë.

Deputetët e PDK-së dhe LDK-së votuan kundër, ndërsa vetëm 63 deputetë ishin pro.

Paraprakisht, në emër të Qeverisë, ministri i MKRS-së Hajrulla Çeku duke prezantuar këtë marrëveshje, tha se e njëjta ka vlerën 47 milionë euro dhe është e rëndësisë së veçantë.

Çeku: Kjo marrëveshje është e rëndësisë së veçantë

Ky projekt veçse është diskutuar një herë, megjithatë me kundërshtimet e opozitës për herë të parë në vendin tonë një marrëveshje ndërkombëtare nuk është ratifikuar në Kuvend. Duke konsideruar rëndësinë e veçantë të kësaj marrëveshje për reformimin e skemës sociale në Kosovë, sot sërish po e procedojmë projektligjin për ratifikimin e marrëveshjes për “Projektin e reformës së sistemit të ndihmës sociale në Kosovë”, tha ai.

E njëjta marrëveshje edhe muaj më parë kishte dështuar të miratohet në Kuvend.

commentFirst article
Sot mund të lexoni Shfletoni kopertinat