​Tahiri kërkon përkrahjen e Norvegjisë në procesin e anëtarësimit në Këshillin e Evropës

Aktuale

​Tahiri kërkon përkrahjen e Norvegjisë në procesin e anëtarësimit në Këshillin e Evropës

Më: 17 maj 2022 Në ora: 18:09
Foto nga takimi

Shefi i grupit parlamentar të AAK-së, Besnik Tahiri i shoqëruar nga deputetë të tjerë të Kuvendit të Kosovës, në Ditën Kombëtare të Mbretërisë së Norvegjisë, kanë pritur në takim ambasadorin e këtij shteti, Jens Erik Grondahl.

"Ambasadorit Grondahl, përfaqësues i shtetit e popullit mik Norvegjez, i përcollëm urimet e përfaqësuesve të populli të Kosovës, me ndjenjën më të mirë e respektin për përkrahjen e madhe në të gjitha etapat", u shpreh ai. 

Tahiri ka bërë të ditur se nga ambasadori Grondahl kërkoi përkrahjen e Norvegjisë në procesin e anëtarësimit në Këshillin e Evropës. 

Republika e Kosovës, zyrtarisht ka aplikuar për t’u anëtarësuar në Këshillin e Evropës.

Aplikimin në Strasburg të Francës ku e ka selinë KiE e dorëzoi Ministrja e Punëve të Jashtme dhe Diasporës, Donika Gërvalla-Schwarz.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat