Çun Lajçi: Do t’i kërkoj falje Ramushit e do t’i bie n’gjuj, nëse e bën këtë

Aktuale

Çun Lajçi: Do t’i kërkoj falje Ramushit e do t’i bie n’gjuj, nëse e bën këtë

Nga: P.R Më: 19 maj 2022 Në ora: 22:26
Çun Lajçi dhe Ramush Haradinaj

Sipas Aleancës për Ardhmërinë e Kosovës, presidenti i Malit të Zi, Milo Gjukanoviq vërtetoi fjalët e Ramush Haradinajt se kufiri mund të rishikohet.

Gjukanoviq lidhur me Demarkacionin mes Kosovës dhe Serbisë, ka përmendur edhe marrëveshjen mes dy presidenteve, me të cilën Kosova dhe Mali i Zi zotohen për formim të një komisioni ndërshtetëror, e cila do e korrigjojë çdo gabim eventual që ka ndodhur në procesin e demarkimit të kufirit shtetëror mes dy vendeve.

Sipas AAK-së, kryetari i tyre dhe ish-kryeministri, Ramush Haradinaj, ditë më parë deklaroi se çështja e demarkacionit me Malin e Zi nuk është e kryer e këtë e tha në RTK edhe vetë Gjukaoniviq.

E ndaj AAK-së ka reaguar aktori Çun Lajçi, sipas të cilit, edhe nëse rishikohet, demarkacioni do të mbetet ashtu siç është.

“A kaq naiv qenkeni? Paska pritë Kuvendi i Malit Zi, 4 vite, pa e miratua “ratifikimin” që ia dergoi Kuvendi i Kosovës, që tani ta rishqyrton Presidenti?! Sa naivitet i Ramushit për marrëveshjen e Hashimit, por jo edhe i Gjukanoviqit, se ai tha: Nuk i prishim marëdhanjet e mira me kojshitë. Mund ta rishqyrtojmë! Pra “mund”!”, ka shkruar ndër tjerash Lajçi, përcjellë “Bota sot”.

Postimi i plotë:

Popull i besueshëm jemi!

Gjukanoviq “vërteton fjalët e Ramushit, se kufiri mund të rishikohet”!

E përflasin dhe e shpërndajnë shqiptarët si t’ishte fjalë e shekullit!?!

Mund të Rishikohet!? Dhe? Çka pastaj?

Mbetët si ishte!

Eh more populli im. I besuem Milloshit kur tha Kosova nuk humb pse i suprimohet autonomia e pushtetarët tonë e nënshkruen e ai na djegi!

Tani Gjukanoviqit po i besojmë!?

Po pra, veç vetës s’i besojmë, se jemi me shkollë nate!

A kaq naiv qenkeni? Paska pritë Kuvendi i Malit Zi, 4 vite, pa e miratua “ratifikimin” që ia dergoi Kuvendi i Kosovës, që tani ta rishqyrton Presidenti?!

Sa naivitet i Ramushit për marrëveshjen e Hashimit, por jo edhe i Gjukanoviqit, se ai tha: Nuk i prishim marëdhanjet e mira me kojshitë. Mund ta rishqyrtojmë! Pra “mund”!

Dhe e moret “zdravo za gotovo”, pa mendua se Kuvendi i Cetinës e shqyrton (nëse e rishqyrton) jo Presidenti, dhe deputetët serb n’Parlament, po e”zbutkan” zemrën e po thojkan: po more, kthejani Kosovës 8400 hektar tokë! Se kështu na e patën kthye edhe Plavë-Gucinë!

Hajt popull hajt! Mbuloni gabimet e ish kryeministrave e besoni se bajrami do t’bie n’ramazan!

Unë do t’i kërkoj falje Ramushit e do t’i bie n’gjuj, nëse e hap pikën kufitare në Çakorr, aty të kafja!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat