Zbulohen emrat e katër të arrestuarve në aksionin e sotëm ‘Brezovica’

Aktuale

Zbulohen emrat e katër të arrestuarve në aksionin e sotëm ‘Brezovica’

Më: 26 maj 2022 Në ora: 22:11
Ilustrim

Prokuroria Themelore në Ferizaj në bashkëpunim me Policinë e Kosovës sot kanë realizuar aksionin ‘Brezovica’ i cili është vazhdimësi e aksioneve të mëhershme, ku janë kontrolluar dhe bastisur disa lokacione.

Gjatë këtij aksioni janë ndaluar katër persona, në mesin e të cilëve është edhe ish-sekretari i Ministrisë së Infrastrukturës, Xhelil Bekteshi.

Sipas, “Sinjalit”, tre të arrestuarit e tjerë që dyshohen për këtë rast janë Xhevdet Shala, Bekim Pireva dhe Islam Fejza, të cilët ngarkohen me veprat penale “Marrje apo dhënie e ryshfetit” dhe “Keqpërdorim i detyrës apo pozitës zyrtare”.

Cak i aksionit të sotëm ishin gjashtë lokacione, ku u kryen bastisje dhe u gjetën prova materiale si dokumente, telefona e armë, të cilat u konfiskuan nga Policia.

Aksionet e koduara si “Brezovica”, kanë nisur qysh në fund të vitit të kaluar. Në shënjestër të tyre janë personat e dyshuar për lëshimin e lejeve ndërtimore në Parkun Kombëtar “Sharri” në zonën e Brezovicës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat