Çmimi i naftës arrin vlerë rekorde në Kosovë

Aktuale

Çmimi i naftës arrin vlerë rekorde në Kosovë

Më: 8 qershor 2022 Në ora: 10:02
Foto ilustrim

Çmimi i naftës ka arritur vlerë rekorde të mërkurën në Kosovë. Një litër naftë po kushton 1.82 euro.

Shoqata e Naftëtarëve të Kosovës pati thënë ditë më herët se rritja e çmimeve po reflektohet në tregjet ndërkombëtare. Megjithatë ka pasur kritika lidhur me operatorët që nuk po i ulin çmimet kur nafta po shënon rënie në bursë.

Rritja e çmimit të naftës nisi që nga pushtimi rus i Ukrainës, pas të cilit zhvillim Perëndimi ndërmori sanksioneve ndaj Rusisë, një prej furnizuesve më të mëdhenj të Evropës me naftë.

Për një javë çmimet e derivateve janë rritur për 15 centë. Të martën një litër naftë është tregtuar me 1 euro e 79 centë, ndërsa një litër benzinë 1 euro e 83 centë. Rritja është theksuar pas skadimit të vendimit të Qeverisë që kufizonte marzhën tregtare.

Nga Ministria e Tregtisë dhe Industrisë thonë se me Ligjin e ri për naftën ua lejon ndërhyrjen në çmime, por që duhen akte nënligjore për këtë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat