Begaj takohet me komandantin e KFOR-it: Rendi kushtetues i Kosovës s’duhet cenuar

Aktuale

Begaj takohet me komandantin e KFOR-it: Rendi kushtetues i Kosovës s’duhet cenuar

Më: 17 gusht 2022 Në ora: 10:13
Presidenti Bajram Begaj është pritur nga komandanti i KFOR-it në Kosovë, Gjeneral Major Ferenc Kajári

Presidenti i Shqipërisë, Bajram Begaj është pritur nga komandanti i KFOR-it në Kosovë, Gjeneral Major Ferenc Kajári.

Ky i fundit e ka informuar presidentin Begaj mbi situatën e sigurisë në Kosovë e veçanërisht në veri të saj, ndërsa ka vlerësuar profesionalizmin e efektivëve të FA, në misionin e KFOR.

Begaj vlerësoi rolin e pazëvëndësueshëm të NATO-s dhe KFOR-it për ruajtjen e stabilitetit dhe sigurisë në Kosovë dhe në gjithë rajonin.

Në orët e pasdites Presidenti i Republikës, është ndalur në Pejë, ku është takuar me efektivë të Forcave të Armatosura të Republikës së Shqipërisë, pjesë e misionit paqeruajtës KFOR.

Ndërsa vlerësoi kontributin e çdo efektivi të FA, Presidenti kërkoi kujdes në përmbushjen e misionit të tyre.

“Rendi kushtetues i Kosovës nuk duhet cënuar”, tha Presidenti Begaj gjatë takimit me efektivët e Forcave të Armatosura.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat