Çitaku i reagon zyrtarit të VV-së

Aktuale

Çitaku i reagon zyrtarit të VV-së

Më: 18 gusht 2022 Në ora: 22:50
Vlora Çitaku

Nënkryetarja e PDK-së, Vlora Çitaku i ka reaguar zyrtarit të Lëvizjes Vetëvendosje, Hysamedin Feraj, i cili nëpërmjet një postimi në Facebook është munduar ta arsyetojë mungesën e flamurit në paraqitjen e kryeministrit Albin Kurti me sekretarin e NATO-s Jens Stoltenberg, në konferencën e përbashkët.

Feraj ka pretenduar se prapa Kurtit nuk kishte flamur shtetëror, sepse Stoltenberg ka çuar mesazhin që ai dhe Kurti janë të bashkuar, ndërsa Vuçiqit, që kishte flamurin prapa, i ka çuar mesazhin që janë të ndarë.

“Mbasi disa “të ditur” po lexojnë shenjat si fallxhoret filxhanin: Mbrapa Albinit flamuri i NATO-s, mbrapa Vuçiqit flamuri i Serbisë.  Stoltenberg dhe Kurti me flamur të përbashkët, Vuçiqi me flamur të vetmuar.  Stoltenberg Kurtit: jemi të bashkuar! Vuçiqit: jemi të ndarë!”, ka shkruar Feraj.

Ndërsa Çitaku, me ironi ka thënë se injoranca e njeriut është e pafund.

“Ka pasë thanë një i ditur para shumë kohe, gjithësia edhe ndoshta ka fund, po injoranca e njeriut është definitivisht e pafund”, ka shkruar ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat