Çitaku: Kurti e ka eliminuar në tërësi dialogun social

Aktuale

Çitaku: Kurti e ka eliminuar në tërësi dialogun social

Më: 29 shtator 2022 Në ora: 21:38
Vlora Çitaku

Nënkryetarja e PDK-së, Vlora Çitaku, tha se kryeministrit Kurti ka synim që ta nënshtroj popullin e Kosovës.

Sipas Çitakut, ambicia e kryeministrit të vendit, Albin Kurti, e që po e artikulon çdo ditë, sipas saj, është Republika e Tretë

“Ambicia e kryeministrit dhe ai po e artikulon çdo ditë e më qartë është Republika e Tretë, dhe çka është Republika e Tretë sipas Kurtit bazuar në atë që po e thotë deri sot, Republika e Tretë është biznese të reja të ndërtuara nga ai dhe të nënshtruara ndaj tij, media të reja të ndërtuara nga ai dhe të nënshtruara ndaj tij, sindikata të reja të ndërtuara nga ai dhe të nënshtruara ndaj tij”, tha Çitaku në Rubikon.

Duke folur për grevat e sindikatave, në veçanti grevën në arsim, Çitaku tha se kryetari i SBASHK-ut, Rrahman Jasharaj është duke iu nënshtruar një fushate dehumanizuanizuese, derisa shtoi se Kurti po e eliminon në tërësi dialogun social.

“Ai njeri tash e sa javë i është nënshtruar një fushate dehumanizuese, ka pasur përqeshje, denigrim, i është cenuar dinjiteti, jo vetëm atij por secilit mësues dhe mësuese në Republikën e Kosovës. Puna e sindikatave është që të luftojnë për të drejtat dhe dinjitetin e punëtoreve të arsimit,  detyra e qeverisë është të ulet dhe të negocioj me ta, mirëpo kryeministri e ka eliminuar në tërësi dialogun social si instrument të politikë-bërjes. Ai nuk dialogun as me sindikatat as me veteranët, as me mjekët, dialogun nuk e do, kompromisi është shndërruar në fjalë të ndryrë”, është shprehur ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat