Kryeministri Kurti ka një thirrje për shqiptarët në Serbi: Dëshmoni që jeni aty!

Aktuale

Kryeministri Kurti ka një thirrje për shqiptarët në Serbi: Dëshmoni që jeni aty!

Më: 1 tetor 2022 Në ora: 19:27
Kryeministri i Kosovës, Albin Kurti

Kryeministri i Kosovës, Albin Kurti, u ka bërë thirrje shqiptarëve që jetojnë në Serbi që t’i përgjigjen regjistrimit të popullsisë, ekonomive familjare dhe banesave, që ka nisur sot e zgjatë deri më 31 tetor.

Përmes një video-mesazhi, kreu i ekzekutivit ka thënë se shqiptarët që jetojnë në Serbi në vazhdimësi përballen me diskriminim kombëtar dhe njerëzor, e së fundmi edhe me pasivizim të adresave të tyre.

Ndaj, sipas tij, regjistrimi në Serbi për shqiptarët nuk është vetëm çështje statistike.

Si kryeministër i Republikës së Kosovës, ftoj shqiptarët që jetojnë në Serbi e në veçanti në komunat Preshevë, Bujanoc e Medvegjë, që t’i përgjigjen regjistruesve duke regjistruar veten dhe familjarët. Ju ftoj që shtypjes t’i përgjigjeni me regjistrim”, ka thënë Kurti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat