Lladrovci tregon çka nënshkroi sot me Rifat Latifin kur krejt Kosova po flet për dorëheqjen e tij

Aktuale

Lladrovci tregon çka nënshkroi sot me Rifat Latifin kur krejt Kosova po flet për dorëheqjen e tij

Më: 6 tetor 2022 Në ora: 17:08
Rifat Latifi

Sot u raportua që ministri i Shëndetësisë, Rifat Latifi, ka dhënë dorëheqje nga kjo pozitë. Për këtë çështje Ministria e Shëndetësisë dhe Qeveria ende nuk i janë përgjigjur telefonatave të redaksisë.

Mirëpo, Latifi me kryetarin e Drenasit, Ramiz Lladrovci, sot ka nënshkruar memorandum bashkëpunimi për realizimin e projektit “Ndërtimi i objektit të ri të Qendrës Kryesore të Mjekësisë Familjare në Drenas”.

Lladrovci tha se vlera e investimit është mbi 2 milionë euro dhe pritet të realizohet deri në vitin 2024.

Postimi i plotë i Ramiz Lladrovcit:

Sot me Ministrin e Shëndetësisë, Dr. Rifat Latifi, kemi nënshkruar Memorandumin e Bashkëpunimit ndërmjet komunës së Drenasit dhe Ministrisë së Shëndetësisë, për Realizimin e Projektit “Ndërtimi i objektit të ri të Qendrës Kryesore të Mjekësisë Familjare në Drenas”.

Vlera e investimit është 2.124.015 euro, projekt që pritet të realizohet deri në vitin 2024 dhe në Memorandum janë përcaktuar detyrat e përbashkëta dhe të veçanta për realizimin e këtij projekti shumë të rëndësishëm për komunën tonë.

Cilësia e shërbimeve shëndetësore është e lidhur ngushtë me kushtet që ua ofrojmë profesionistëve shëndetësorë, ambiente dhe material shpenzues, pajisje dhe respekt për punën e tyre shëndetin e qytetarëve tanë, me qëllim të trajtimit sa më të mirë e më cilësor.

Respekt Ministër Latifi për vazhdimin e projektit të planifikuar dhe të aprovuar para disa vitesh. Vërtetë Drenasi dhe qytetarët e komunës tonë kishin nevojë për këtë objekt madhor për shëndetësinë primare!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat