​Gexha shpreh ngushëllime për vrasjen e shtatzënës mbrëmë në QKUK

Aktuale

​Gexha shpreh ngushëllime për vrasjen e shtatzënës mbrëmë në QKUK

Më: 1 dhjetor 2022 Në ora: 10:11
Dafina Gexha

Ushtruesja e detyrës së ministrit të Shëndetësisë, Dafina Gexha para se të nis të shpalos projektet dhe planin për buxhetin e vitit 2023 ka shprehur ngushëllime për vrasjen e 35-vjeçares shtatzënë që ka ndodhur mbrëmë para Klinikës së Gjinekologjisë.

Këto komente ajo i bëri gjatë raportimit para Komisioni për Shëndetësi dhe Mirëqenie Sociale ku po mbahet seanca dëgjimore për Projektligjin mbi ndarjet buxhetore për Buxhetin e Republikës së Kosovës për vitin 2023.

Gexha-Bunjaku tha se për vitin 2023 ka rritje të buxhetit prej 27.62%.

Ajo tha se për listën e barnave esenciale është rritur buxheti për 89%, pasi janë ndarë 21 milionë euro për këtë çështje.

Ajo shtoi se do te rrisin investimet kapitale dhe po ashtu numrin e inspektorëve edhe për rreth 40 inspektorë me qëllim që të shumëfishohen inspektimet.

Ushtruesja e detyrës së drejtorit të SHSKUK-së, Pranvera Zejnullahu tha se buxheti për viti 2023 është 10 milionë më tepër me thekst të veçantë ka rritje të buxhetit për listën e barnave esenciale.

Ajo tha se modernizimi i hapësirave dhe funksionalizimi i tyre është synimi i ShSKUK-së për vitin 2023.

Derisa si projekt ajo përmendi bunkerin për aksilerator-infeksione dhe spitalin ditor.

Sipas saj, risi është funskionalizimi i shërbimit të IVF-së dhe aktvizimi i njësisë spinale, si shërbime të reja që nuk janë ofruar në institucionet shëndetësore publike.

Sa i takon rezonancave magnetike ajo tha se në vitin e ardhshëm synojnë funksionalizimin e këtyre aparaturave por problem Zejnullahu theksoi trajnimin e profesionistëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat