Ambasadori gjerman uron PDK-në për anëtarësimin në ALDE

Aktuale

Ambasadori gjerman uron PDK-në për anëtarësimin në ALDE

Më: 5 dhjetor 2022 Në ora: 14:38
Ambasadori gjerman në Kosovë, Jorn Rohde

Ambasadori gjerman në Kosovë, Jorn Rohde ka uruar Partinë Demokratike të Kosovës për anëtarësimin në Aleancën e Liberalëve dhe Demokratëve të Evropës.

Përmes një postimi të bërë në Twitter, Rohde ka uruar PDK-në dhe kryetarin e saj, Memli Krasniqin për pranimin si anëtarë të rinjë në ALDE.

“Urime për @PDKzyrtare dhe kryetarin e saj @Memli Krasniqi për pranimin si anëtarët më të rinj në @ALDEParty, Aleancën evropiane të partive liberale”, ka shkruar ambasadori gjerman.

Partia Demokratike e Kosovës dje është bërë anëtare me të drejta të plota e grupacionit më të madh politik të partive liberale të Evropës, ALDE.

Në mbledhjen e dytë vjetore të Këshillit të Partisë Aleanca e Liberalëve dhe Demokratëve të Evropës (ALDE), të mbajtur në Bratislavë të Sllovakisë, anëtarët kanë votuar pa asnjë votë kundër për pranimin e PDK-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat