Kurti s’e komenton takimin për Asociacionin

Aktuale

Kurti s’e komenton takimin për Asociacionin

Më: 31 janar 2023 Në ora: 11:29
Albin Kurti

Pas homazheve te shtatorja e heroit, Zahir Pajaziti, presidentja Vjosa Osmani dhe kryeministri Albin Kurti janë pyetur në lidhje me takimin në ambasadën amerikane.

Shefi i ekzekutivit, Albin Kurti nuk ka komentuar këtë takim, përveç që u shpreh se i njëjti tashmë ka filluar.

Kurti: Në takimin për Asociacionin ndodhet shefi i stafit tim

"Vetëm sa ka filluar takimi, besoj që ata që janë në takim do ta thonë fjalën e tyre dhe atje ndodhet shefi i stafit tim", ka thënë Kurti.

Ambasada amerikane në Prishtinë ka thënë mbrëmë se Zyra e presidentes Vjosa Osmani dhe ajo e kryeministrit Albin Kurti kanë konfirmuar pjesëmarrjen në diskutim.

Ftesës për takim i janë përgjigjur pozitivisht përfaqësues të pushtetit, të opozitës dhe shoqëria civile. Diskutimi pritet të zgjasë deri në ora 12:00 ndërsa nuk dihet nëse do të ketë deklarim për media.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat