Gazetarja Teuta Arifaj ka marrë ftesë nga kryeministri Kurti për të qenë pjesë e kabinetit të tij qeveritar.
Ajo, konfirmoi se është ftuar nga Kurti në pozitën e zëdhënëses të Qeverisë.
Mirëpo e njëjta tha se ende nuk ka marrë ndonjë vendim lidhur me këtë ftesë, pasi shtoi se është e kënaqur me punën që bën.
“Po e vërtetë është, pozita është zëdhënëse e Qeverisë po, të drejtën me të thonë, nuk kam marrë ndonjë vendim. Jam shumë okej me punën që e boj, me mediumin ku punoj kështu që nuk është që kom marrë ndonjë vendim. Amo po, qëndron. E vërtetë është ftesa”, deklaroi Arifaj.
Kujtojmë se Arifaj një kohë të gjatë ka qenë pjesë e KTV-së, ndërsa së fundmi ajo iu bashkua ATV-së, si redaktore e lajmeve.
