Kryeministri i Kosovës, Albin Kurti, do ta presë nesër në zyrën e tij, Zëvendës Ndihmës Sekretarin e Shetiti, emisarin amerikan për Ballkanin Perëndimor, Gabriel Escobar.
Përmes një komunikate për media, Kryeministria njofton se ky takim do të zhvillohet me fillim nga ora 11:00.
Nuk parashihet që Escobar dhe Kurti të deklarohen për media.
Takimin me kryeministrin Kurti, emisari amerikan do ta zhvillojë pasi ta ketë përfunduar takimin me presidenten Osmani, në orën 09:00 të mëngjesit, dhe kryeparlamentarin Glauk Konjufca, në orën 10:20.
Escobar dje dhe sot qëndroi në Serbi, ku paraditen e së enjtes në konferencë për media foli edhe për takimin e 18 marsit në Ohër, teksa tha se nuk pret marrëveshje, por që ajo përfundimtare do të ndodhë brenda vitit.
I dërguari i posaçëm për Ballkanin Perëndimor tha se marrëveshja që tashmë ndodhet në tavolinë është një nga mundësitë më të mira për të çuar rajonin përpara.
Ndërsa, fakt si fakt të kryer e cilësoi formimin e Asociacionit të komunave me shumicë serbe, duke thënë se asociacioni do të bëhet, por çështja është se sa shpejt do të ndodhë kjo dhe cili model do të aplikohet.