Nënkryetarja e Partisë Demokratike të Kosovës, Vlora Çitaku, i ka shprehur ngushëllime familjes Ademaj, të cilët humbën dy familjarët e tyre në vërshimet e së shtunës në Pejë.
Çitaku, përmes një postimi në Facebook, tha se ndihet zemërthyer me pamjet tronditëse nga Peja.
“Zemërthyer me pamjet tronditëse nga Peja. Ngushëllime familjarëve të Dion Ademaj dhe Mirsada Ademaj.
Shpresoj që në këto momente të rënda, institucionet qendrore dhe ato lokale të tregojnë solidaritetin e domosdoshëm për sanimin e dëmeve të shkaktuara nga vërshimet”, ka shkruar Çitaku në Facebook.
