Njohësi i marrëdhënieve ndërkombëtare, Agron Hoti ka thënë se opozita po i’a bën “argatin” pushtetit sepse sipas tij, nuk po kërkon dorëheqjen e kryetarëve të komunave veriore.
Hoti ka thënë se është për të ardhur keq se as nga pushteti por as nga opozita nuk po kërkohet që kryetarët e komunave veriore të japin dorëheqje.
“Nëse pushteti thotë se nuk j’ua kërkoj dorëheqjen kryetarëve aktual që janë të ngujuar atje e nuk i sheh askush, nëse edhe opozita e bën të njëjtën gjë atëherë për çfarë po flasim”, ka thënë Hoti.
Njohësi i marrëdhënieve ndërkombëtare e ka cilësuar si “lajm të mirë” që de-përshkallëzimi i situatës në veri ka zënë vend në takimin e presidentit Biden dhe kryeministres së Italisë.
Presidenti Biden dhe kryeministrja e Italisë kanë diskutuar për Ballkanin Perëndimor por edhe për situatën në veri të vendit.
Hoti ka theksuar se Kosova do të duhej t’i përfillte kërkesat ndërkombëtare sepse sipas tij, “loja po zhvillohet në territorin e Kosovës dhe ne jemi cak i presionit nga bashkësia ndërkombëtare”.
