Osmani dhe Abela flasin për aplikimin e Kosovës në KiE

Aktuale

Osmani dhe Abela flasin për aplikimin e Kosovës në KiE

Më: 16 maj 2025 Në ora: 18:51
Pamje nga takimi

Presidentja e Republikës së Kosovës, Vjosa Osmani, është takuar sot me kryeministrin e Maltës, Robert Abela.

Takimi zuri vend në Tiranë, aty ku po mbahet Samiti i Komunitetit Politik Evropian, shkruan IndeksOnline.

Pas diskutimit me Abelan, Osmani u shpreh se bashkë biseduan mbi sfidat e përbashkëta dhe mundësitë për thellimin e bashkëpunimit.

“Diskutim i shkëlqyeshëm me Kryeministrin e Maltës, Robert Abela, mbi forcimin e partneritetit mes Kosovës dhe Maltës, sfidat e përbashkëta dhe mundësitë për thellimin e bashkëpunimit dypalësh.

Potencova rëndësinë e avancimit të aplikimit të Kosovës gjatë Presidencës së Këshillit të Evropës nga Malta, si një hap që do t’i përforconte vlerat evropiane dhe unitetin e kontinentit”, u shpreh Osmani.

comment Për komente lëvizni më poshtë
Sot mund të lexoni Shfletoni kopertinat