​Vota e lirë e qytetarit, Prokurori i Shtetit garanton integritetin e procesit zgjedhor

Aktuale

​Vota e lirë e qytetarit, Prokurori i Shtetit garanton integritetin e procesit zgjedhor

Më: 10 tetor 2025 Në ora: 15:55
Foto ilustrim

Prokurori i Shtetit ka bërë të gjitha përgatitjet e nevojshme për të realizuar mbrojtjen e votës së lirë të qytetarëve.

Kjo duke garantuar integritetin e procesit zgjedhor më 12 tetor, njofton Zyra e Kryeprokurorit të Shtetit.

Në këto zgjedhje janë angazhuar së bashku rreth 100 prokurorë të shtetit dhe zyrtarë të sistemit prokurorial, të cilët do të qëndrojnë kujdestarë në gjithë territorin e Kosovës, deri në përfundim të procesit zgjedhor, me qëllim të procedimit të çdo parregullsie që mund të ndodhë në zgjedhjet e sivjetme lokale.

Prokurori i Shtetit i fton qytetarët të gjitha subjektet politike, institucionet apo organizatat e ndryshme, që të denoncojnë tek prokuroritë përkatëse, çdo rast, për të cilin kanë dyshime se po keqpërdoret ose manipulohet vota në çfarëdo mënyre dhe nga kushdo qoftë.

comment Për komente lëvizni më poshtë
Sot mund të lexoni Shfletoni kopertinat