Supremja pranon kërkesën e AAK-së, Juniku mund të shkojë në rivotim

Aktuale

Supremja pranon kërkesën e AAK-së, Juniku mund të shkojë në rivotim

Më: 22 tetor 2025 Në ora: 13:43
Foto ilustrim

Gjykata Supreme ka bërë të ditur se ka pranuar si të bazuar ankesën e Aleancës për Ardhmërinë e Kosovës (AAK), me seli në Junik, duke e prishur vendimin e mëparshëm të Panelit Zgjedhor për Ankesa dhe Parashtresa (PZAP), me numër ZL.Anr.217/2025, të datës 15 tetor 2025.

Me këtë vendim, çështja i kthehet PZAP-së për rivendosje, thuhet në njoftimin e Gjykatës.

PZAP-ja e pati hedhur si të palejuar ankesën e AAK-së, e cila kishte kërkuar shpalljen si të paligjshme të zgjedhjeve komunale në Junik dhe organizimin e rivotimit, duke pretenduar se shkeljet e evidentuara në procesin zgjedhor kishin ndikuar në rezultatin përfundimtar.

Gjykata Supreme nuk e ka pranuar qëndrimin e PZAP-së për hedhjen poshtë të ankesës si të palejuar, duke vlerësuar se ajo duhej të shqyrtohej në bazë të meritave.

Me këtë vendim, çështja i kthehet PZAP-së për rivendosje, thuhet në njoftimin e Gjykatës.

comment Për komente lëvizni më poshtë
Sot mund të lexoni Shfletoni kopertinat