Juristi Kadri Kryeziu ka kritikuar partitë që kundërshtojnë formimin e një qeverie të përkohshme, duke thënë se edhe një qeveri dyjavore do të mjaftonte për të miratuar zgjatjen buxhetore, planin e rritjes së BE-së dhe kredinë 100 milionë euro nga Banka Botërore.
“Po flasim për 1 miliardë euro që mund të hyjnë në ekonominë e Kosovës. Ku është kuptimi i gjithë këtij destruktiviteti?”, tha ai.
Shkrimi i plotë:
Nëse partitë tjera nuk duan ta provojnë formimin e qeverisë, pse bëjnë zhurmë?
Çka ka të keqe nëse formohet një qeveri qoftë edhe për 2 javë, mjaftueshëm që të votohet zgjatja e domosdoshme buxhetore, plani i rritjes së BE-së, kredia 100 milionë nga Banka Botërore. Po flasim për 1 miliardë euro që mund të futen në ekonominë e Kosovës.
Ku është kuptimi i gjithë këtij destruktiviteti?
Kujtojmë, se sot Lëvizja Vetëvendosje ka propozuar Glauk Konjufcën për mandatar të dytë për formim të qeverisë së re nga kjo parti. Propozimi i Konjufcës u bë në Këshillin e Përgjithshëm të kësaj partie nga i pari i Vetëvendosjes, Albin Kurti i cili tha se këtë propozim po e bënë që vendi mos të shkojë dy herë në zgjedhje.
