Bukuroca ‘godet’: Si e shpërblyen Mustafa e Thaçi, Serbinë me komuna në Kosovë

Aktuale

Bukuroca ‘godet’: Si e shpërblyen Mustafa e Thaçi, Serbinë me komuna në Kosovë

Nga: A.M Më: 10 nëntor 2025 Në ora: 20:03
Foto ilustrim

Publicisti Lis Bukuroca ka reaguar ashpër lidhur me mënyrën se si disa vendbanime serbe në Kosovë u shndërruan në komuna të veçanta, duke e cilësuar këtë si një lëshim të rëndë politik nga ish-krerët e shtetit, Isa Mustafa dhe Hashim Thaçi, përcjell “Bota sot”.

Sipas tij, këto komuna u krijuan për të mundësuar themelimin e Bashkësisë Serbe me kompetenca ekzekutive “si askund në botë”, por ky proces u ndalua përkohësisht falë veprimit të ish-presidentes Atifete Jahjaga, e cila e dërgoi çështjen në Gjykatën Kushtetuese. Bukuroca thekson se brenda këtyre komunave gjenden edhe tri me shumicë shqiptare – Artana, Kllokoti dhe Shtërpca – ndërsa e sheh si paradoks faktin që në Luginën e Preshevës, vendbanime të mëdha shqiptare si Tërnoci dhe Presheva trajtohen si “fshatra” sipas ligjeve serbe.

Shkrimi i plotë

Katundet serbe, që Mustafa e Thaçi i shndërruan në komuna për të mundësuar Bashkësinë Serbe me pushtet ekzekutiv, si askund në botë, por që kryetarja e atëhershme Atifete Jahjaga ua parandaloi me dërgimin në Gjykatën Kushtetuese, ka brenda vetes edhe tri komuna me shumicë shqiptare: Artanën (Novobërda), Kllokotin dhe Shtërpcën.

Këtë e shkruan portali serb "normalizacija."

Tërrnoci i Madh i Luginës i ka 8.893 banorë, shumica absolute shqiptarë, por sipas ligjit serb, ai është katund. Presheva ka gati 40.000 banorë, por e shndërruar me ligje serbe në fshat. Parteshi komunë me 1,785 banorë. Pse? Sepse dy politikanë shqiptarë menduan se Serbia duhet të dëmshpërblehet dhe të trajtohet si viktimë.

comment Për komente lëvizni më poshtë
Sot mund të lexoni Shfletoni kopertinat