Eurodeputeti dhe raportuesi për Kosovën në Parlamentin Evropian, Riho Terras, ka uruar Albin Kurtin, me rastin e formimit të qeverisë.
Në një postim në “X”, Terras u shpreh se “paraliza politike më në fund ka mbaruar”.
Terras pohon se Kosova i përket familjes së Bashkimit Evropian.
“Urime Albin Kurtit dhe Kosovës për formimin e një qeverie të re. Paraliza politike më në fund ka mbaruar.
Një qeveri funksionale është thelbësore për të avancuar në rrugën drejt BE-së dhe për të zhbllokuar mbështetjen financiare shumë të nevojshme.
Kosova i përket familjes së BE-së” deklaroi Terras.