Kryetari i PDK-së, Bedri Hamza në seancën e Kuvendit ku po diskutohet për Projektligjin e buxhetit për vitin 2026, ka thënë se nuk e kupton urgjencën e opozitës që buxheti të votohet me procedurë të shpejt.
Ai ka thënë se nuk janë për vonesa dhe krijimin e krizave.
“Janë dy arsye që më shkojnë ndërmend. E para që t’i pamundësojnë deputetëve që me diskutimet e tyre të shprehin kritika dhe të japin propozime dhe alternativa. Dhe e dyta nuk dua me besua që kjo çështje lidhet me rastin e zgjedhjes së presidentit apo presidentes”, tha Hamza.
Hamza ka dhënë kritika për buxhetin duke theksuar se vërehet mungesë e investimeve në disa sektorë të rëndësishme.
Ai tha se ekspozeja e paraqitur nga kryeministri Kurti nuk është reflektuar në buxhet.
Kryetari i PDK-së ka kritikuar mospërfshirjen e buxhetit për Prishtinën.
