Mishetiq: Kjo është arsyeja pse LDK nuk iu bashkua qeverisë së përkohshme, e jo abuzimi

Aktuale

Mishetiq: Kjo është arsyeja pse LDK nuk iu bashkua qeverisë së përkohshme, e jo abuzimi

Më: 18 shkurt 2026 Në ora: 11:27
Luka Mishetiq

Avokati i Hashim Thaçit, Mishetiq trajtoi pretendimin e prokurorisë se Lidhja Demokratike e Kosovës kishte bojkotuar Qeverinë e Përkohshme për shkak të “abuzimit”.

Ai tha se nuk ka asnjë provë për këtë pretendim.

“Përkundrazi ju keni prova që LDK e ka bojkotuar atë qeveri sepse nuk dëshironte të ndante vendet e Qeverisë së Përkohshme. LDK kishte qeveri paralele në atë kohë dhe nuk është tërhequr nga kjo qeveri deri në shkurt 2000.

Kjo ishte arsyeja që nuk iu bashkua qeverisë së përkohshme, e jo abuzimi”, tha ai, duke shtuar se janë 15 raste të dokumentuara kur Thaçi i kishte bërë thirrje LDK-së t’i bashkohej ekzekutivit.

comment Për komente lëvizni më poshtë
Sot mund të lexoni Shfletoni kopertinat