Kryeministri Albin Kurti, pasi iu përgjigj disa pyetjeve të deputetëve në Kuvend, është larguar nga seanca, duke kërkuar nga deputetët që ta falënderojnë për praninë e tij.
Pas largimit të tij ka reaguar deputetja e PDK-së, Ganimete Musliu, e cila e ka kritikuar ashpër Kurtin.
“Kurtin desha me falënderu, po frikacaku vjen e lëshon një grusht mizash dhe ik. As tash nuk është këtu, desha me të falënderu prandaj”, ka thënë Musliu.
Më pas ka ndërhyrë deputeti i Lëvizjes Vetëvendosje, Salih Zyba, çka ka nxitur një tjetër reagim nga Musliu.
“Salih Zyba, a po të kruhen dhëmbët me mbrojtë? Po nuk është këtu me të pa e me të shpërbly, se ki qef mu kallëzu që e don e me marrë naj pozitë. Sot t’ka ik dita”, ia ka kthyer ajo.