Kryetari i GUXO-s, Faton Peci, ka reaguar pas konstituimit të Kuvendit dhe votimit të Qeverisë së Republikës së Kosovës, duke e cilësuar këtë një hap të rëndësishëm për vendin.
Përmes një postimi në Facebook, Peci ka uruar Qeverinë Kurti 4, ndërsa ka theksuar se procesi institucional duhet të vijojë me zgjedhjen e Presidentit të Republikës së Kosovës.
Ai ka vlerësuar se konstituimi i institucioneve përbën një hap të rëndësishëm për Kosovën, por ka kërkuar që procesi të vazhdojë edhe me zgjedhjen e presidentit, me qëllim të sigurimit të stabilitetit institucional dhe funksionimit demokratik të institucioneve.
Postim i plotë:
Kosova me institucione
E përshëndes konstituimin e Kuvendit dhe votimin e Qeverisë së Republikës së Kosovës. Urime Qeveria Kurti 4!
Këta janë hapa shumë të rëndësishëm për Kosovën, që duhet të vijojnë edhe me zgjedhjen e Presidentit të Republikës, për të siguruar stabilitet institucional e për të garantuar funksionimin demokratik të institucioneve.
Ju bëj apel të gjitha partive politike për tejkalimin e dallimeve dhe për konstruktivitet, racionalitet e punë të përbashkët për vendin tonë.
Kosovës, më shumë se kurrë, i duhet stabilitet politik e institucional! Të kontribuojmë t’gjithë për këtë stabilitet, për Kosovën tonë!
Punë të mbarë e suksese!
