Klubi Alpin Prishtina organizon ecjen bjeshkatare të së dielës, me qëllim vizitën në Bjeshkët e Koshutanit dhe ngjitjen në Majën e Hajles në Bjeshkët e Rugovës, afër kufirit me Malin e Zi.
Kjo ecje i dedikohet projektit dhe bashkëpunimit në mes Klubi Alpin Prishtina dhe Forumi për Iniciativa Qytetare, në kuadër të thirrjes 'Sign for Impact' dhe si e tillë konsiderohet fushatë për ngritje fondesh për arritjen caqeve të projektit.
Maja e Hajles gjendet në Bjeshkët e Nemuna , në veri-perëndim të Kosovës, dhe i përket regjionit të Komunës së Pejës. Është maje markante dhe do të ngjitemi nëpërmes Bjeshkës të Koshutanit (Jug).
Ecja do të zhvillohet nëpër Bjeshkët e Rugovës, ndërsa nga Hajla do kemi mundësi ti shohim bjeshkët e Rozhajës, Andrijevicës, Kollashinit në Veri; si dhe ato të Deçanit në Jug. Në Kthim do bëhet një pushim kafeje në njërin nga resoret turistike në afërsi. Udhërrëfyes: Nazmi Hasanramaj.