Vanessa Bryant, bashkëshortja e Kobe Bryant, është rikthyer në gjyq, këtë herë për të qenë përballë nënës së saj Sofia Laine.
Kjo e fundit e ka hedhur në gjyq bashkëshorten e ish-basketbollistit, pasi ka kërkuar pagesat e prapambetura për punën si “asistente personale dhe kujdestare e fëmijëve”.
Vanessa këto akuza i ka kundërshtuar me forcë, duke thënë se ky veprim i nënës së saj e ka plagosur shumë atë dhe vajzat. “Edhe një herë tjetër, ajo po përpiqet vetëm të na marrë sa më shumë para.
Asnjëherë nuk i ka mbajtur ato detyra dhe ka jetuar në shtëpi që e kemi paguar ne”, tha Vanessa Bryant.
Laine, 68 vjeçe, ka paraqitur në gjykatë një letër ku thuhet se Kobe Bryant ka premtuar se do të kujdeset përgjithnjë për vjehrrën e tij: “Kobe nuk jeton më, ndërsa Vanessa po bën të kundërtën e asaj që ka premtuar ai”, tha mamaja e Vanessa Bryant. “Bashkëshorti im nuk i ka premtuar asgjë asaj”, tha Vanessa.
