Ponte Prizreni ka fituar derbin e qytetit

Basketboll

Ponte Prizreni ka fituar derbin e qytetit

Më: 2 mars 2021 Në ora: 21:02
Ponte Prizreni ka fituar derbin e qytetit

Ponte Prizreni ka fituar derbin e qytetit ndaj Bashkimit me rezultat 117:95 (24:22, 39:30, 29:23, 25:20), në ndeshjen e mbetur të xhiros së 20-të në FIVE STAR Superligën e Kosovës në basketboll.

Fillimi i ndeshjes ishte i baraspeshuar dhe kjo bëri që çereku i parë të përfundojë 24:22. Por, në periudhën e dytë, Ponte ishte më e mirë, duke pasur disa herë epërsi deri në 12 pikë, kurse pjesa e parë përfundon 63:52.

Epërsia e Prizrenit u rrit edhe më shumë në periodën e tretë, duke kontrolluar ndeshjen, kurse rezultati në semafor pas 30 minutash ishte 92:75. Në 10 minutat e fundit loja ishte paksa më e barabartë dhe Ponte Prizreni triumfon 117:95.

Te Ponte Prizreni u dalluan Divine Myles me 23 pikë, shtatë kërcime dhe tetë asistime, Landon Taliaferro me 31 pikë, Kwame Vaughn me 26 pikë e tetë asistime dhe Arti Hajdari me 20 pikë, kurse te Bashkimi u dalluan Musab Mala me 33 pikë e gjashtë kërcime, Obinne Oleka me 23 pikë e 14 kërcime dhe Milos Latkoviq me 28 pikë.

Ponte Prizreni ka 14 fitore dhe shtatë humbje, kurse Bashkimi 10 fitore dhe 11 humbje.

Shfaq komentet
comments powered by Disqus
Sot mund të lexoni Shfletoni kopertinat