Superkupa Mbarëkombëtare e meshkujve në Durrës dhe Shkodër

Basketboll

Superkupa Mbarëkombëtare e meshkujve në Durrës dhe Shkodër

Më: 15 tetor 2021 Në ora: 17:11
Superkupa Mbarëkombëtare e meshkujve në Durrës dhe Shkodër

Superkupa Mbarëkombëtare në konkurrencën e meshkujve do të zhvillohet në dy qytetet shqiptare, Durrës dhe Shkodër.

Ndeshjet gjysmëfinale zhvillohen më 16 Tetor, kurse finalja më 17 Tetor në ora 19:00 në Shkodër.

Takim shumë interesant pritet ndërmjet Teutës së Durrësit dhe Golden Eagle Yllit. Skuadra nga Durrësi fitoi titullin dhe Kupën në Shqipëri, edicionin e kaluar, kurse Ylli është kampion i Ligës Unike dhe Kosovës. Sfida pritet të jetë shumë interesante me të dy skuadrat që e duan trofeun e parë të Superkupës Mbarëkombëtare.

Ndeshje interesante pritet të jetë edhe ndërmjet dy skuadrave me traditë në basketbollin e Kosovës, Vllaznisë nga Shkodra dhe Sigal Prishtinës. Shkodranët do të kenë përkrahjen e publikut, ndërsa skuadra më e trofeshme kosovare, dëshiron të shtojë edhe një trofe në sirtarin e saj.

Kjo është hera e parë që organizohet Superkupa Mbarëkombëtare nga Liga Unike, e ndihmuar nga Federata e Basketbollit e Kosovës dhe Federata Shqiptare e Basketbollit.

Orari

16 Tetor

Durrës: Pallati i Sporteve “Ramazan Njala”

17:00 Teuta - Golden Eagle Ylli

16 Tetor

Shkodër: Pallati i Sporteve “Qazim Dërvishi”

20:30 Vllaznia - Sigal Prishtina

17 Tetor

19:00 Finalja

Shkodër: Pallati i Sporteve “Qazim Dërvishi"

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat