Fillon projekti “Qendra Nacionale e Basketbollit”

Basketboll

Fillon projekti “Qendra Nacionale e Basketbollit”

Më: 20 tetor 2021 Në ora: 17:53
Foto ilustrim

Për herë të parë në Kosovë, është hapur Qendra Nacionale e Basketbollit, ku janë përzgjedhur lojtarët me potencial për të ardhmen.

Në këtë qendër nacionale janë grumbulluar 16 lojtarë (13-14 vjeç) nga e gjithë Kosova, ndërsa do të mbikëqyren nga trajnerët Valentin Spaqi, Driton Obërtinca dhe Arben Krasniqi. Në vitin e ardhshëm ky projekt do të fillojë edhe në konkurrencën e femrave.

Basketbollistët e selektuar janë grumbulluar në Qendrën Social-Edukativo “Don Bosko” në Prishtinë. Ata do të stërviten dy herë në ditë gjatë pesë ditëve të javës, kurse në fundjavë do të luajnë në klubet e tyre. Gjithashtu do të kenë shumë ndeshje miqësore, si dhe do të luajnë ndaj shteteve tjera.

Ky është një projekt i rëndësishëm për basketbollin e Kosovës, ku do të grumbullohen lojtarët/et me potencial për të ardhmen, e më pas do të jenë pjesë e përfaqësueseve zinxhirore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat