Penza triumfon në derbi, mund Bashkimin

Basketboll

Penza triumfon në derbi, mund Bashkimin

Më: 22 tetor 2021 Në ora: 19:27
Penza triumfon në derbi, mund Bashkimin

Penza ka mundur Bashkimin me rezultat 63:84 (14:21, 18:22, 24:21, 7:20), në kuadër të javës së tretë në Superligën e Femrave.

Vendaset e nisën ndeshjen më mirë me një seri prej 7:0, por më pas rikthehen shpejt mysafiret me 0:11, për rezultatin 7:11, e më pas ishin më të mira në çerekun e parë, duke e fituar këtë pjesë 14:21. Periudha e dytë ishte interesante, me vashat prizrenase që afronin rezultatin dhe sa herë ndodhte kjo, basketbollistet pejane shkëputeshin, ku në fund të pjesës së parë krijuan epërsinë më të lartë 32:43, sa përfundoi pjesa e parë.

Kampionet e Kosovës thelluan edhe më shumë epërsinë në periodën e tretë, në 35:49, por basketbollistet e Bashkimit e afruan rezultatin në 50:54, ndërsa rezultati në semafor pas 30 minutash ishte 56:64. Në 10 minutat e fundit, Penza e thelloi edhe më shumë epërsinë, duke triumfuar me rezultat 63:84.

Te Bashkimi u dallua Era Shatri me 12 pikë, 13 kërcime e nëntë asistime, kurse te Penza u dalluan Rael Whitsitt me 15 pikë e gjashtë kërcime, Briana Williams me 19 pikë e 13 asistime dhe Valbona Bytyqi me 15 pikë e nëntë kërcime.

Bashkimi ka dy fitore dhe një humbje, kurse tri fitore në tri ndeshje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat